أرسلت قارئة مشكلتها لـ "دوت حياة" قائلة..."جوزي دمرني نفسيا وجساديا، مبيحش بيا ولا عارف أنا بفكر في ايه ولا بعمل ايه، كل اللي همه هو نفسه وأني معملش حاجة تضايقوا، وملوش دعوة أنا حاسة بايه، ولا مضايقة من ايه، دة حتي مبيحبش يكلمني في التليفون يلاقيني انتظار، بتبقي وقعتي سودة، مرة كنت دخلة اعمل عملية وصحبتي بتكلمني وهو دخل علي الانتظار، مرداش يبص في وشي يومين بسبب انه كلمني لاقاني انتظار".

"أنا مبقتش عرفة اتعامل معاه، هو لا بيقدر أنا بعمله ايه، ولا شايف أي حاجة، كل اللي هو شيفوا اني غلط وبس، ملوش دعوة انا فيا ايه، كل اللي يخصه شكله وبس، وعشان كدة بيفرض عليا قيود كتير اوي، ومتسلط، أنا تعبت وعوزة أطلق عشان ارتاح"

"المثل القديم اللي بيقول إللي ميحطونيش كحلة في عنيه محطش مداس في رجلي، دية حقيقة، أنا ضحيت كتير أوي عشانة وعشان بيتنا، أنا سيبت شغلي ومستقبلي، وحياتي، وفي الاخر برضوا مش عجبة وعاوز يفرض عليا بس سيطرته من غير  ما يحسيسني اني مهمة بالنسبة له...تعبت والله من أنايتة وسيطرته".

وتوضع الدكتورة صفاء عبد القادر استشاري الطب النفسي، طريقة التعامل مع الزوج المتسلط والعصبي، فبهذه الطرق ستحصلين علي حياة أفضل، وهي:

اعتني بزوجك فهو يحتاج إلى الشعور بأنه شخص محبوب، وأمين  فالحب والاهتمام يهذبان المشاعر والسلوك الغير جيد.

"أنفخي جوزك"، هو في الغالب لا يملك حق التسلط وممارسة السيطرة على أحد خارج نطاق بيته لذا حاولي التخفيف عنه، وإعطاءه المقام المناسب له كزوج ورب أسرة وسط بيته.

حاولي الالتزام بالهدوء والصبر والحكمة في بداية ثورته لتمتصي غضبه، وتأكدي أن تصرفه لا شأن له بك.

إقرأ أيضا..

فضفضة ستات.. جوزي مبيحترمش أهلي فهل الطلاق هو الحل؟

فضفضة ستات.. "حماتي ملاك وأنا الشيطان"